Հունիսի 21-ին ՀՀ պաշտպանության նախարարությունը՝ ի դեմս նախարար Սուրեն Պապիկյանի, պայմանագիր է կնքել «Երկրապահ կամավորների միություն» հասարակական կազմակերպության հետ՝ ի դեմս ՀԿ վարչության նախագահ Սասուն Միքայելյանի, որի շրջանակներում ՊՆ-ի կողմից դրամաշնորհ է տրամադրվել ԵԿՄ-ին։

Iravaban.net-ը հայտնում է, որ պայմանագրի համաձայն որպես դրամաշնորհ տրվել է 234 միլիոն 638 հազար դրամ։

Պայմանագրում նշված է, որ կազմակերպությունը պարտավորված է գումարն օգտագործել ներկայացված ծրագրի հոդվածներին համապատասխան։

Պաշտպանության նախարարությունն իրավունք ունի․

-Ցանկացած ժամանակ ստուգելու կազմակերպության կողմից իրականացվող միջոցառումների ընթացքոը և որակը՝ առանց միջամտելու վերջինիս գործունեությանը։

-Կազմակերպության կողմից նախատեսված միջոցառումները չիրականացնելու դեպքում միակողմանի լուծել սույն պայամանագիրը։

Կազմակերպությունն իրավունք ունի․

-Պետական մարմնից պահանջելու վճարել պայմանագրով նախատեսված գումարները։

-Պետական մարմնի կողմից գումարները չվճարելու դեպքում միակողմանի լուծել պայմանագիրը և պահանջել հատուցել իրեն պատճառված վնասները։

Պետական մարմինը պարտավոր է․

-Վճարել պայմանագրով նախատեսված գումարները։

-Ծրագրով նախատեսված դեպքերում աջակցել կազմակերպությանը։

-Իրականացնել ծրագրով նախատեսված այլ միջոցառումներ։

Կազմակերպությունը պարտավոր է․

-Իրականացնել ծրագրի շրջանակներում պետական մարմնի կողմից տրամադրված գումարների հաշվապահական հաշվառում։

-Տրամադրված գումարներն օգտագործել ներկայացված ծրագրի հոդվածներին համապատասխան։

Նշված է նաև, որ առաջին վճարումը 78․212․700 դրամը պետք է վճարվեր պայմանագրի կնքումից հետո եռօրյա ժամկետում։