«Աերոֆլոտ» ավիաընկերությունը դադարեցրել է դեպի Ղազախստան ավիատոմսերի վաճառքը մինչև հունվարի 20-ը նախատեսված չվերթների համար:
Այս մասին «ՏԱՍՍ» լրատվական գործակալությանը հայտնել են ավիաընկերությունից։
Մինչև հունվարի 21-ը դադարեցվել է նաև Ղազախստանից Ռուսաստան նախատեսված չվերթների տոմսերի վաճառքը։ Բացի այդ, ավիաընկերությունը չեղյալ է հայտարարել Մոսկվայից Ղազախստան մինչև հունվարի 10-ը կայանալիք իր բոլոր թռիչքները, իսկ Ղազախստանից Ռուսաստան՝ մինչև հունվարի 11-ը:
«Աերոֆլոտ»-ը մշտական գործառնական համագործակցության մեջ է Օդային տրանսպորտի դաշնային գործակալության և Ռուսաստանի Դաշնության արտաքին գործերի նախարարության հետ՝ դեպի Ղազախստան ավիափոխադրումների վերականգնման ուղղությամբ»,- նշել է ավիաընկերությունը:
