Նոյեմբերի 8-ին Ուզբեկստանի Հանրապետությունում մեկնարկել է «Ալ Ֆերգանի»-ի անվան ֆիզիկայի միջազգային օլիմպիադան։ Covid-19 համավարակի պատճառով, օլիմպիադան անցկացվել է հեռավար եղանակով։ Այս մասին հայտնում է Հայաստանի պոլիտեխնիկական համալսարանը։ Օլիմպիադան անցկացվել է 2 հիմնական փուլերով՝ տեսական և փորձարարական։
«Ուրախությամբ հայտնում ենք, որ Պոլիտեխնիկի Ավագ դպրոցի սաները իրենց մասնակցությունն ունեցան նաև այս օլիմպիադային, նվաճելով 5 մեդալ՝ մեկ արծաթ և չորս բրոնզ։
Ավագ դպրոցի 12-րդ դասարանի աշակերտներից Արտաշես Մկրտչյանը արժանացել է արծաթե մեդալի, իսկ նրա համադասարանցի Արմեն Եպիսկոպոսյանը և 11-րդ դասարանի աշակերտներ Գևորգ Զադոյանը, Գրիգոր Հովհաննիսյանը և Հովսեփ Կարապետյանը բրոնզե մեդալի։
![](https://polytech.am/uploads/2021/11/%D5%8A%D5%B8%D5%AC%D5%AB%D5%BF%D5%A5%D5%AD%D5%B6%D5%AB%D5%AF%D5%AB-%D4%B1%D5%BE%D5%A1%D5%A3-%D4%B4%D5%BA%D6%80%D5%B8%D6%81%D5%AB-%D5%A1%D5%B7%D5%A1%D5%AF%D5%A5%D6%80%D5%BF%D5%B6%D5%A5%D6%80%D5%A8-%D6%86%D5%AB%D5%A6%D5%AB%D5%AF%D5%A1%D5%B5%D5%AB-%D5%B4%D5%AB%D5%BB%D5%A1%D5%A6%D5%A3%D5%A1%D5%B5%D5%AB%D5%B6-%D6%85%D5%AC%D5%AB%D5%B4%D5%BA%D5%AB%D5%A1%D5%A4%D5%A1%D5%B5%D5%B8%D6%82%D5%B4-%D5%A1%D6%80%D5%AA%D5%A1%D5%B6%D5%A1%D6%81%D5%A5%D5%AC-%D5%A5%D5%B6-5-%D5%B4%D5%A5%D5%A4%D5%A1%D5%AC%D5%AB%D5%9D-%D5%B4%D5%A5%D5%AF-%D5%A1%D6%80%D5%AE%D5%A1%D5%A9-%D6%87-%D5%B9%D5%B8%D6%80%D5%BD-%D5%A2%D6%80%D5%B8%D5%B6%D5%A6-0-4.jpg)
Ինչպես նախորդ ֆիզիկայի օլիմպիական ձեռքբերումները, այնպես էլ այս նվաճումը մեծապես կապված են Պոլիտեխնիկի Ավագ դպրոցի տնօրեն, Ֆիզիկայի օլիմպիական խմբակի ղեկավար Ալֆրեդ Պետրոսյանի ամենօրյա աշխատանքից, ով իր փորձով և գիտելիքներով նպաստում է, որպեսզի դպրոցի սաները միջազգային օլիմպիադաներում և մրցույթներում ապահովեն նման հաջողություններ»,- նշված է հայտարարության մեջ։