Սեբաստիան Կուրցը հայտարարել է Ավստրիայի կանցլերի պաշտոնից հեռանալու մասին՝ իր դեմ դատախազության հակակոռուպցիոն հետաքննության ֆոնին:
«Այժմ անհրաժեշտ է կայուն հարաբերություններ, ուստի փակուղուց դուրս գալու, քաոսից խուսափելու և կայունություն ապահովելու համար ես ուզում եմ մի կողմ քաշվել: Ես խնդրեցի Ժողովրդական կուսակցության թիմին շարունակել աշխատանքը: Որպես կուսակցության նախագահ՝ ես առաջարկեցի դաշնային նախագահ Ալեքսանդր Շալենբերգին կառավարության նոր ղեկավար դառնալ», – ասել է քաղաքական գործիչը:
Շալենբերգը երկրի ԱԳ նախարարն է։
Կուրցը հավելել է, որ որոշումն իրեն հեշտ չի տրվել: Նա ընդգծել է, որ հեռանալով կանցլերի պաշտոնից՝ մնալու է կուսակցության նախագահը և խորհրդարանական մեծամասնության ղեկավարը:
Նշենք, որ չորեքշաբթի օրը տնտեսական և կոռուպցիոն հանցագործությունների քննության դատախազությունը հաստատել է, որ հետաքննություն է վարում կոռուպցիայի և կաշառակերության գործով վարչապետի և նրա 9 գործընկերների նկատմամբ:
Ինքը՝ Կուրցը, հերքել է բոլոր մեղադրանքները:
