Ռուսթավիի թիվ 12 քրեակատարողական հիմնարկում գտնվող, Վրաստանի նախկին նախագահ, Ուկրաինայի բարեփոխումների խորհրդի գործադիր հանձնաժողովի ղեկավար, Ուկրաինայի քաղաքացի Միխեիլ Սաակաշվիլին, շնորհակալական նամակով դիմում է Ուկրաինայի նախագահ Վլադիմիր Զելենսկուն, հայտնում է վրացական Առաջին ալիքը։
«Ես չափազանց գոհ եմ ձեր խոսքերից, որոնք իրական բարձրաստիճան պետական ծառայողի պատասխանն են՝ Վրաստանում իմ անօրինական կալանքի և ազատազրկման վերաբերյալ կեղծ մեղադրանքներիn, որոնք աշխարհում Ռուսաստանից բացի ոչ մեկ չի ճանաչում:
Ես սիրում եմ իմ Վրաստանը կյանքիցս ավել, բայց ես սիրում եմ Ուկրաինան ՝ իմ երկրորդ հայրենիքը, որտեղ ես անցկացրել եմ իմ կյանքի երկար տարիները և որտեղ ունեմ ընտանիք, ընկերներ, ունեմ քաղաքացիություն, ինչը ես շատ եմ գնահատում: Ամբողջ կյանքում հպարտ կլինեմ, որ հնարավորություն եմ ունեցել համեստ ներդրում ունենալ ձեր կատարած պատմական փոփոխությունների և բարեփոխումների մեջ: Քանի որ ես իրականում Պուտինի անձնական գերին եմ, ես շատ բարձր եմ գնահատում ձեր սկզբունքային դիրքորոշումը Ուկրաինայի, ամբողջ տարածաշրջանի և կայսրության բոլոր բանտարկյալների պաշտպանության վերաբերյալ», – գրել է Միխեիլ Սաակաշվիլին իր ֆեյսբուքյան էջում:
