Նյու Յորքում արտակարգ դրություն է հայտարարվել, քանի որ քաղաքին է մոտենում Հենրի փոթորիկը, Korrespondent.net-ի փոխանցմամբ՝ Twitter-ում այս մասին գրել է նահանգապետ Էնդրյու Կուոմոն:
Փոթորկի արագությունը մոտ 128 կմ/ժ է: Վատ եղանակի պատճառով իշխանությունները այցելուների համար փակել են նաև Ազատության արձանը:
«Ես արտակարգ դրություն հայտարարեցի Հենրի փոթորկի պատճառով։ Մոբիլիզացվել են ազգային գվարդիայի 500 զինծառայողներ, իսկ նահանգի ռեսուրսները պատրաստվել են փոթորկին արձագանքելու համար»,- գրել է նահանգապետը։
ԱՄՆ փոթորիկներին հետևող ազգային կենտրոնում նշում են, որ Հենրին շարժվում է դեպի հյուսիս-արևելք:
