Ադրբեջանի, Թուրքիայի և Թուրքմենստանի ղեկավարների գագաթնաժողովը, որը պետք է անցկացվեր այս տարվա օգոստոսին Կասպից ծովի ափին, հետաձգվել է Անկարայի խնդրանքով՝ թուրքական մի շարք շրջաններում բռնկված հրդեհների պատճառով, փոխանցում է Anadolu-ն։
Հարցը քննարկվել է նախագահներ Գուրբանգուլի Բերդիմուհամեդովի և Ռեջեփ Թայիփ Էրդողանի հեռախոսազրույցի ընթացքում:
Էրդողանը իր թուրքմեն գործընկերոջը ասել է, որ չի կարող մասնակցել Ադրբեջանի, Թուրքիայի և Թուրքմենստանի ղեկավարների առաջիկա եռակողմ հանդիպմանը՝ երկրի մի շարք շրջաններում բռնկված հրդեհներով պայմանավորված ծանր իրավիճակի պատճառով: Այդ կապակցությամբ Էրդողանը խնդրել է քննարկել հանդիպումը հետաձգելու և այլ ժամկետ նշանակելու հարցը։
Անհրաժեշտ ենք համարում տեղեկացնել, որ Ադրբեջանի, Թուրքիայի և Թուրքմենստանի նախագահների եռակողմ գագաթնաժողովը հետաձգվում է 2015 թվականից՝ տարբեր պատճառներով:
