Երևանի ընդհանուր իրավասության դատարանը՝ դատավոր Վահե Միսակյանի նախագահությամբ, փոխեց «Իզմիրլյան» բժշկական կենտրոնի տնօրեն Արմեն Չարչյանի նկատմամբ կիրառված «կալանավորում» խափանման միջոցը։ Չարչյանը ազատ կարձակվի, նրան նկատմամբ կիրառվեց «ստորագրություն չհեռանալու մասին» և «գրավ» խափանման միջոցները։
Պաշտպանները միջնորդել էին նրա նկատմամբ որպես խափանման միջոց կիրառել գրավը՝ նվազագույնը 10 մլն ՀՀ դրամի չափով։
Գրավի չափ է սահմանվել նվազագույն աշխատավարձի 15 հազարապատակի 15 մլն ՀՀ դրամի չափով։
Չարչյանի պաշտպան Արամ Վարդևանյանը հայտարարեց, որ իր պաշտպանյալը վերցնելու է պատգամավորական մանդատը։
Հիշեցնենք, որ վերջինս կալանավորվել էր հունիսի 23-ին։ Չարչյանը մեղադրվում է ընտրություններին մասնակցելուն հարկադրելու համար։
Քվեարկությունից օրեր առաջ «Անկախ դիտորդ» դաշինքն էր տարածել հիվանդանոցի աշխատակիցների հետ Չարչյանի անցկացրած ժողովի ձայնագրությունից մի հատված, որը իրավապահներոը որակում են որպես ընտրողի ազատ կամքի իրականացմանը խոչընդոտել։
Չարչյանին մեղսագրվող հոդվածում նաև նշվում է որևէ մեկի օգտին դեմ քվեարկելուն հարկադրելու մասին։
