2021 թվականի Ազգային ժողովի արտահերթ ընտրություններին մասնակցող 26 քաղաքական ուժերի պատգամավորների թեկնածուները Կենտրոնական ընտրական հանձնաժողովին են ներկայացրել իրենց գույքի և եկամուտների հայտարարագրերը:

Իրավաբան.net-ը հրապարակում է կուսակցությունները գլխավորող առաջին համարների, հասարակական մեծ հետաքրքրություն ունեցող գույքի ու եկամուտների հայտարարագրերը։

Ընտրություններին 15-րդ համարի տակ հանդես եկող Հայաստանի դեմոկրատական կուսակցությունը գլխավորում է Տիգրան Արզաքանցյանը։ Նա «Տիգրան Արզաքանցյան» բարեգործական հիմնադրամի նախագահն է։

Հայտարարագրի համաձայն, Արզաքանցյանը Գավառում երկու անշարժ գույք ունի․

• 1 տուն (համատեղ սեփականություն) – 209․7 քմ,
• 1 բնակարան (համատեղ սեփականություն) – 95․3 քմ,
• BMW 740 մակնիշի ավտոմեքենա – 2008 թվական։

Նա ունի նաև թանկարժեք իրեր, որոնք գերազանցում են 8 միլիոն դրամը․

• Ձեռքի ժամացույց Jaeger LeCoultre – 75․000 եվրո,
• Ձեռքի ժամացույց – 52․000 դոլար,
• Ոսկյա խաչ 7 կտ ադամանդով – 16․000 դոլար։

Պատգամավորի թեկնածուի եկամտները մայիսի 31-ի դրությամբ կազմում են 56 միլիոն 880 հազար դրամ, որը ստացվել է ռոյալթիից՝ «Ցար Տիգրան» ՓԲԸ։

Նրա դրամական միջոցները կազմում են․

• 35 միլիոն դրամ,
• 80 հազար դոլար,
• 60 հազար եվրո։

Ներկայացնում ենք նաև նրա արժեթղթերը․

Հիշեցնենք, որ ՀՀ Ազգային ժողովի պատգամավորներն այսօրվա դրությամբ ստանում են 661 400 դրամ (ներառյալ հարկերը) աշխատավարձ։

Ալիսա Չիլինգարյան