ԱՄՆ-ը ցանկանում է կանխատեսելի հարաբերություններ Ռուսաստանի Դաշնության հետ, բայց չի վախենում մրցակցությունից, հայտարարել է Պետդեպարտամենտի խոսնակը:
Այս մասին հայտնում է «ՌԻԱ Նովոստին»։
«Ռուսաստանի հետ մեր հարաբերությունները մարտահրավեր են մնում, բայց մենք պատրաստ ենք դրան: Մեր հարաբերությունների նպատակն է, որ դրանք կանխատեսելի և կայուն լինեն», -ճեպազրույցում ասել է նա:
«Հաշվի առնելով Ռուսաստանի վարքը վերջին մի քանի ամիսների ընթացքում՝ ակնհայտորեն կլինեն հարաբերությունների ոլորտներ և տարրեր, որոնք մրցակցային են: Մենք դրանցից չենք խուսափի», – ասել է խոսնակը:
Միևնույն ժամանակ, նրա խոսքերով, Միացյալ Նահանգները կօգտագործի կառուցողական համագործակցության հնարավորություններ և կխորհրդակցի գործընկերների և դաշնակիցների հետ Ռուսաստանի վարքագծի վերաբերյալ, որը նրանք համարում են «սահմաններից դուրս»:
