Ռուսաստանի նախագահ Վլադիմիր Պուտինը չի հավատում, որ Լեռնային Ղարաբաղի շուրջ հակամարտությունը կրկին բռնկվեց այս տարի՝ որոշ արտաքին ուժերի միջամտության պատճառով: Այս մասին նա հայտարարեց հինգշաբթի օրը կայացած ամենամյա մամուլի ասուլիսի ժամանակ ՝ պատասխանելով «ՏԱՍՍ»-ի հարցին:
«Իրավիճակը դուրս եկավ վերահսկողությունից, այս լարվածությունը տևեց երկար տարիներ։ Չեմ կարծում, որ դա տեղի ունեցավ ինչ-որ արտաքին միջամտության պատճառով»,-նշել է նա։
Միջազգային իրավունքի տեսանկյունից Լեռնային Ղարաբաղը Ադրբեջանի մաս է կազմում, ասել է Պուտինը:
Հայտարարության հիմնական արդյունքը նախագահը անվանել է մարդկանց կյանքի պահպանումը, մնացածը երկրորդական է: Ռուսաստանի ղեկավարը կարծում է, որ տարածաշրջանում հրադադարի ռեժիմի խախտում չի լինի։
Նրա խոսքով՝ Ղարաբաղի հարցով միջազգային միջնորդները պետք է խոսքից անցնեն գործի և օգնեն տեղի բնակչությանը՝ չթողնելով դա միայն Ռուսաստանին: Նախագահի խոսքով ՝ ռուս խաղաղապահների թիվը կարող է ավելացվել, բայց միայն հակամարտության կողմերի համաձայնությամբ:
