Տագնապալի իրավիճակ էր ստեղծվել Լեռնային Ղարաբաղում, բայց այն արագ վերացվել է, հայտարարել ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն։
Նա նշեց, որ տեղի ունեցածի մասին քիչ տեղեկություններ կան, ռուսական կողմը վերահսկում է իրավիճակը, «սա լրացուցիչ բեռ է մեր խաղաղապահների համար»:
Պեսկովը պարզաբանել է, որ անհապաղ կապեր են հաստատվել տեղի ունեցածի մանրամասները ճշտելու համար:
«Սա ամբողջ տեղեկատվությունն է, որը մենք կարող ենք տրամադրել … Իրոք, տագնապալի իրավիճակ կար, բայց այն արագ վերացվեց», -նշեց նա։
