Ֆրանսիայի նախագահ Էմանուել Մակրոնը ակնկալում է, որ COVID-19- ի դեմ զանգվածային պատվաստումները կսկսվեն ապրիլ-հունիս ամիսներին:
Այս մասին հայտնում է «ՌԻԱ Նովոստի» լրատվական գործակալությունը։
«Կլինի առաջին փուլը, որը կսկսվի հնարավորինս շուտ, այսինքն ՝ հենց որ մեզ հանձնվի ԵՄ սանիտարական մարմինների սերտիֆիկացումը և պատվաստանյութերի դոզաները: Հավանաբար դա կլինի դեկտեմբերի վերջին, հունվարի սկզբին: Եվ կլինի պատվաստումների առաջին արշավը», – ասել է Մակրոնը Բելգիայի վարչապետի հետ հանդիպումից հետո տված ասուլիսի ժամանակ:
Ֆրանսիայի ղեկավարը նշել է, որ պատվաստումների առաջին արշավը շատ նպատակային կլինի, առաջին հերթին պատվաստանյութ կստանան ամենախոցելի քաղաքացիները: Նրա խոսքով՝ արշավը ուղղված չի լինի հասարակության լայն շերտերին` հաշվի առնելով պատվաստանյութերի առկա դոզանների քանակը:
«Հավանաբար, պատվաստումների երկրորդ ալիքը կսկսվի ինչ-որ ժամանակ ապրիլ-հունիս ամիսներին: Եվ դա ավելի լայն տարածում կստանա», – բացատրել է Մակրոնը:
Ֆրանսիայի Գերագույն առողջապահական մարմինը նախօրեին խորհուրդ է տրվել առաջին հերթին պատվաստել ծերանոցներում բնակվող տարեց մարդկանց և այդ հաստատությունների անձնակազմերին:
