«Հրադադարը պահպանվում է Լեռնային Ղարաբաղում՝ խաղաղապահների համակարգմամբ, և Կարմիր խաչի միջազգային կոմիտեն շարունակում է փոխանակել զոհվածների մարմինները»,- լրագրողներին ասել է ՌԴ ՊՆ պաշտոնական ներկայացուցիչ գեներալ-մայոր Իգոր Կոնաշենկովը:
Այս մասին հայտնում է «Ռիա Նովոստի» լրատվական գործակալությունը։
«Անցած օրվա ընթացքում զինադադարը պահպանվել է շփման գծի ողջ երկայնքով։ Ռուսաստանի Դաշնության խաղաղապահ ուժերի և Կարմիր խաչի միջազգային կոմիտեի համաձայնեցմամբ` շարունակվում են զոհվածների մարմինների որոնումն ու փոխանակումը», – ասել է Կոնաշենկովը:
Նա ավելացրել է, որ շարունակական փոխգործակցություն է իրականացվում Ադրբեջանի և Հայաստանի զինված ուժերի գլխավոր շտաբների հետ:
