Այսօր՝ նոյեմբորի 12-ին, Ռուսաստանի Դաշնության նախագահ Վլադիմիր Պուտինը հրամանագիր է ստորագրել խաղաղության պահպանման մասին Լեռնային Ղարաբաղում, ըստ որի տարածաշրջան կուղարկվեն 1960 ռուս խաղաղապահներ, ընդ որում՝ տարվա մեջ 2 անգամ տեղի կունենա պայմնական ռոտացիա: Այս մասին տեղեկանում ենք ТАСС լրատվական գործակալությունից:
Ըստ հրամանագրի՝ «ՌԴ Զինված ուժերի մինչև 1960 զինծառայողների ռազմական կազմավորում հինգ տարի ժամկետով՝ հետագա հնգամյա ժամկետների ավտոմատ երկարացումով, եթե համապատասխան հնգամյա ժամկետի լրանալուց վեց ամիս առաջ Ադրբեջան և Հայաստանը չի հայտարարի ձեռք բերված պայմանավորվածությունների պահպանումը դադարեցնելու իր մտադրության մասին: Խաղաղապահ զորակազմը կտեղակայվի Լեռնային Ղարաբաղի հակամարտության գոտում՝ Լեռնային Ղարաբաղի շփման գծի երկայնքով և Լաչինի միջանցքով»:
Միևնույն ժամանակ, ՌԴ նախագահը հանձնարարել է Պաշտպանության նախարարությանը տարեկան առնվազն երկու անգամ խաղաղապահների անձնակազմը պայմնական ռոտացիայի ենթարկել և զինել նոր զինամթերքով, քանի որ Լեռնային Ղարաբաղում ռեսուրսենրը սպառվել են:
Պուտինը նաև հանձնարարել է կառավարությանը ֆինանսավորում տրամադրել նրանց գործունեության համար, ապահովելով՝ ռազմական անձնակազմի նյութական աջակցություն և դրամական նպաստների վճարում, ներառյալ լրացուցիչ երաշխիքների տրամադրում և փոխհատուցում նրանց և նրանց ընտանիքիների անդամներին:
