Եվրոպական ֆուտբոլային ասոցիացիաների միությունը (ՈՒԵՖԱ) ժամանակավորապես դադարեցրել է կազմակերպության հովանու ներքո հանդիպումների անցկացումը Հայաստանում և Ադրբեջանում: Այս մասին հայտնում է ՈւԵՖԱ-ի մամուլի ծառայությունը:
Այս որոշումը կապված է Լեռնային Ղարաբաղի հակամարտության հետ: Երկու երկրների ֆուտբոլի ֆեդերացիաները պետք է կազմակերպության հովանու ներքո հանդիպումների այլընտրանքային վայրեր ներկայացնեն:
ՈւԵՖԱ-ն կշարունակի վերահսկել իրավիճակը: Նշվում է, որ այս որոշումն այս պահին չի ազդում հաջորդ ամռանը Բաքվում ֆուտբոլի Եվրոպայի առաջնության խաղերի անցկացման վրա: Ադրբեջանի մայրաքաղաքում տեղի կունենա խմբային փուլի երեք հանդիպում, ինչպես նաև մրցաշարի մեկ քառորդ եզրափակիչ հանդիպում:
