Ցուցարարները ներխուժել են Լիբանանի արտաքին գործերի և էկոնոմիկայի նախարարության շենքեր, որոնք գտնվում են մայրաքաղաք Բեյրութում:
Այս մասին հայտնում է «ՌԻԱ Նովոստի»-ն:
Նրանք վանկարկել են, որ «Բեյրութը դեմիլիտարիզացված քաղաք է» և «Հեղափոխության մայրաքաղաք»:
Երեքշաբթի օրը Բեյրութի նավահանգստում տեղի ունեցած պայթյունի հետեւանքով Լիբանանի արտաքին գործերի նախարարության շենքը խիստ վնասվել է: Հազարավոր մարդիկ են դուրս եկել հակակառավարական ցույցի՝ կառավարության հրաժարականը և բարեփոխումներ պահանջելով:
Իրավապահ մարմինների ներկայացուցիչները ժամանակ առ ժամանակ նահանջում են՝ չկարողանալով դիմակայել ակտիվիստների գործողություններին:
Հիշեցնենք, որ պայթյունի հետևանքով, այս պահի դրությամբ, 154 մարդ է մահացել, որից 13-ը հայեր են: Ավելի քան 5000 վիրավորների թվում նույնպես հարյուրավոր հայեր կան:
