Ըստ The New York Times-ի հետաքննության, L Brands-ի նախկին մարկետինգային բաժնի տնօրեն, Victoria’s Secret ներքնազգեստի ապրանքանիշի ղեկավար Էդ Ռազեկը մեղադրվել է սեռական ոտնձգությունների կատարելու համար: Ըստ հրապարակման, այնտեղ տիրում էր «մոլորության և ահաբեկման մթնոլորտ», և ղեկավարությունը գիտեր այդ մասին: Ռազեկը չի ընդունում մեղադրանքը:
Էդ Ռազեկը, որը աշխատել է Victoria’s Secret-ի հետ գրեթե 20 տարի, ընկերությունը լքել է 2019 թվականի օգոստոսին:
Անցած մի քանի տարիներին վաճառքը անկում էր ապրում, և ապրանքանիշը սկանդալների կենտրոնում էր: Երբ ընկերությանը սկսեցին քննադատվել տրասնգենդերների նկատմամբ ոչ տոլերանտ լինելու, ինչպես նաև մեծ չափսերի հագուստ կրող կանանց պոդիում չթողնելու համար, Ռազեկը ասել էր, որ դրանք «չեն տեղավորվում ապրանքանիշի տեսլականում»: Նա շուտով ներողություն խնդրեց իր հայտարարության համար, և Victoria’s Secret-ը վարձեց առաջին տրանսգենդերների մոդելին: Ռազեկը հեռացավ ընկերությունից՝ տարեկան շոուն առաջին անգամ չեղյալ հայտարարվելուց հետո։
Ըստ թերթի, Ռազեկից բազմիցս բողոքել են ոչ պատշաճ պահվածքի համար: Մասնավորապես, նա փորձել է համբուրել մոդելներին և խնդրել, որ նստեն իր գրկում: 2018-ի ցուցադրությունից առաջ, մի քանի վկաների խոսքերով, նա Բելլա Հադիդին ասել է. «Մոռացիր ներքնազգեստի մասին»։
2015-ին «Victoria’s Secret»-ի աշխատակիցների համար նախատեսված ընթրիքի ժամանակ Ռազեկը տասնյակ մարդկանց առջև գոռացել է հասարակության հետ կապերի բաժնի աշխատակցի վրա ՝ սնունդին մոտենալու համար: Աղջիկը դեպքի մասին հայտնել է կադրերի բաժնին:
2019-ի հոկտեմբերին Մոնիկա Միտրոն, Victoria’s Secret-ի հասարակայնության հետ կապերի գծով փոխնախագահը, բողոքել է իր նախկին մարքեթինգային տնօրենի կողմից ոտնձգություններից: Հաջորդ օրը նրան ուղարկել են արձակուրդի։ Վերջերս կողմերը հասան կարգավորման փոխհատուցման համաձայնագրի վերաբերյալ:
Էդ Ռազեկի որդին՝ Սքոթը, որը նույնպես աշխատել է Victoria’s Secret-ում, տեղափոխվել է L Brands-ի այլ բաժին, այն բանից հետո, երբ հայտնի դարձավ աշխատողի նկատմամբ նրա վատ վերաբերմունքի մասին: Աշխատակցուհին հետագայում ընկերությունից փոխհատուցում ստացավ:
The New York Times-ը նշում է նաև, որ Victoria’s Secret-ի առաջատար լուսանկարիչներից մեկը՝ Ռասսել Ջեյմսը առաջարկում էր մոդելներին մերկ լուսանկարվել և նրանք հաճախ համաձայնում էին, իսկ լուսանկարներն նա օգտագործում էր իր գրքի համար: Ըստ նրա փաստաբանի, աղջիկները համաձայնություն են տվել դրան: Նկարահանումները նախատեսված չէին պայմանագրերով և չեն վճարվել:
