Երվանդ Խունդկարյանը 2001 թվականից մինչև 2008 թվականն աշխատել է Հայաստանի Հանրապետության տնտեսական դատարանի դատավոր։

2008 թվականի հունվարի 1-ից հանդիսացել է վերաքննիչ քաղաքացիական դատարանի դատավոր:

2008 թվականի հոկտեմբերի 8-ին նախագահի հրամանագրով նշանակվել է վճռաբեկ դատարանի քաղաքացիական և վարչական պալատի դատավոր:

2010 թվականի սեպտեմբերի 17-ին նախագահի հրամանագրով նշանակվել է Հայաստանի Հանրապետության վճռաբեկ դատարանի քաղաքացիական և վարչական պալատի նախագահ։

2018 թվականի հուլիսի 20-ին նախագահի հրամանագրով նշանակվել է վճռաբեկ դատարանի քաղաքացիական և վարչական պալատի նախագահ, իսկ 2018 թվականի սեպտեմբերի 13-ին Ազգային ժողովի կողմից ընտրվել է վճռաբեկ դատարանի նախագահ՝ 6 տարի ժամկետով:

Իրավաբան.net-ը ձեզ է ներկայացնում նրա գույքն և եկամուտները:

2011 թվականին՝, լինելով վճռաբեկ դատարանի քաղաքացիական և վարչական պալատի դատավոր, Երվանդ Խունդկարյանը հարկային տարվա սկզբում հայտարարգրել է 6000 դոլար և 7 միլիոն դրամ: Հարկային տարվա վերջում դրամով պահվող դրամական միջոցները ավելացել են մինչև 9 միլիոն դրամ: Վերջինս հայտարարգրել է նաև 9 միլիոն 204 հազար դրամ եկամուտ, որը ստացվել է աշխատավարձից:

2012 թվականին դատավորը հայտարարագրել է 6000 դոլար և 12 միլիոն դրամ  դրամական միջոց, ինչպես նաև 9 միլիոն 455 հազար դրամ եկամուտ, որը ստացվել է աշխատավարձից:

2013-ին Երվանդ Խունդկարյանի դրամով պահվող դրամական միջոցները ավելացել են և հասել 16 միլիոնի, դոլարով պահվողը կազմել է 6000: Որպես միակ եկամուտի աղբյուր հայտարարգրվել է աշխատավարձը, որը կազմել է 9 միլիոն 785 հազար դրամ:

2014 թվականին պաշտոնյան ձեռք է բերել LEXUS GX 470 մակնիշի ավտոմեքենա: Ըստ հայտարարգրի այն արժեցել է 10 միլիոն դրամ: Նույն տարում մեկ այլ մեքենա էլ օտարվել է՝ 3,3 միլիոն դրամով (GAZ 3110):

Դատավորի դրամական միջոցներ մնացել են անփոփոխ․

• 6000 դոլար,
• 16 միլիոն դրամ։

Զգալի ավելացել են Երվանդ Խունդկարյանի եկամուտները՝ կազմելով 22 միլիոն 911 հազար դրամ: Դրանք ստացվել են 4 աղբյուրից.

• Աշխատավարձ- 10 միլիոն 401 հազար դրամ,
• Աշխատավարձ-60 հազար 480 դրամ,
• Ստացված փոխառություն-9 միլիոն 150 հազար դրամ,
• Գույքի օտարում-3,3 միլիոն դրամ:

2015-ին դատավորի դրամական միջոցները ավելացել են և կազմել 17 միլիոն դրամ: Պաշտոնյան հայտարարգրել է 11 միլիոն 708 հազար դրամ, որը ստացվել է 2 աշխատավարձերից:

2016-ին դրամական միջոցները ավելացել են ևս 2 միլիոնով և կազմել 19 միլիոն դրամ: 2 աշխատավարձից ստացված եկամուտը կազմել է 11 միլիոն 816 հազար դրամ:

2017-ին Երվանդ Խունդկարյանի դրամական միջոցները ավելացել են ևս 5 միլիոն դրամով և կազմել են 22 միլիոն դրամ:

Վերջինս 2017-ին հայտարագրել է եկամուտի 5 աղբյուր, որոնցից, ընդհանուր առմամբ, ստացել է 12 միլիոն 357 դրամ:

• Աշխատավարձ-11 միլիոն 687 հազար դրամ,
• Աշխատավարձ-109 հազար 102 դրամ,
• Աշխատավարձ-46 հազար 956 դրամ,
• Այլ եկամուտներ-513 հազար դրամ,
• Այլ եկամուտներ-297 եվրո:

2018 թվականին, արդեն զբաղեցնելով վճռաբեկ դատարանի քաղաքացիական և վարչական պալատի նախագահ, իսկ 2 ամիս անց վճռաբեկ դատարանի նախագահի պաշտոնը, Երվանդ Խունդկարյանը հյատարարագրել է 6000 դոլար և 22 միլիոն դրամ դրամական միջոց:

Հայտարագրել է եկամուտի 5 աղբյուր, որոնցից, ընդհանուր առմամբ, ստացել է 12 միլիոն 72 հազար դրամ:

• Աշխատավարձ-11 միլիոն 957 հազար դրամ,
• Աշխատավարձ-77 հազար 695 հազար դրամ,
• Աշխատավարձ-37 հազար 500 դրամ,
• Այլ եկամուտներ-1226 եվրո,
• Այլ եկամուտներ-300 եվրո:

Երվանդ Խունդկարյանի կինը, Ռուզաննա Գևորգյանի 2011-2018 թվականի ներկայացրած տարեկան հայտարարագրերում միայն նշված է 4 միլիոն դրամ դրամական միջոցը:

Համատեղ բնակվող Հենրիկ և Դավիթ Խունդկարյանների հայտարարգրերում տվյալներ չկան:

Ձեզ ենք ներկայացնում նաև վճռաբեկ դատարանի նախագահ Երվանդ Խունդկարյանի կենսագրությունը.

Ծնվել է 1972 թվականին Երևան քաղաքում։

1994 թվականին ավարտել է ԵՊՀ իրավաբանական ֆակուլտետի երեկոյան բաժինը։

1993 թվականից մինչև 1994 թվականն աշխատել է Հայաստանի Հանրապետության գերագույն դատարանում՝ որպես քրեական գործերի դատական կոլեգիայի դատական նիստերի քարտուղար։

1994 թվականից մինչև 1996 թվականը զբաղեցրել է Հայաստանի Հանրապետության գերագույն դատարանի օրենսդրության համակարգման և դատական պրակտիկայի ամփոփման բաժնի ավագ խորհրդատուի, ապա՝ Հայաստանի Հանրապետության գերագույն դատարանի քրեական գործերի դատական կոլեգիայի ավագ խորհրդատուի պաշտոնը։

1996 թվականից մինչև 1998 թվականը ծառայել է Հայաստանի Հանրապետության զինված ուժերում:

1998 թվականից մինչև 1999 թվականը եղել է Հայաստանի Հանրապետության գերագույն դատարանի ավագ խորհրդատու։

1999 թվականից մինչև 2001 թվականն աշխատել է Հայաստանի Հանրապետության քրեական և զինվորական գործերով վերաքննիչ դատարանում՝ որպես դատավորի օգնական։

2001 թվականից մինչև 2008 թվականն աշխատել է Հայաստանի Հանրապետության տնտեսական դատարանի դատավոր։

2008 թվականի հունվարի 1-ից հանդիսացել է Հայաստանի Հանրապետության վերաքննիչ քաղաքացիական դատարանի դատավոր:

2008 թվականի հոկտեմբերի 8-ին Հայաստանի Հանրապետության Նախագահի հրամանագրով նշանակվել է Հայաստանի Հանրապետության վճռաբեկ դատարանի քաղաքացիական և վարչական պալատի դատավոր:

2010 թվականի սեպտեմբերի 17-ին Հայաստանի Հանրապետության Նախագահի հրամանագրով նշանակվել է Հայաստանի Հանրապետության վճռաբեկ դատարանի քաղաքացիական և վարչական պալատի նախագահ։

2010 թվականի հոկտեմբերի 28-ից մինչև 2014 թվականի օգոստոսի 1-ը հանդիսացել է Հայաստանի Հանրապետության դատարանների նախագահների խորհրդի ուսումնական հանձնաժողովի նախագահը:

2010 թվականից մինչև 2013 թվականը հանդիսացել է Հայաստանի Հանրապետության դատական դպրոցի կառավարման խորհրդի նախագահը:

2013 թվականի սեպտեմբերի 20-ին ընտրվել է Արդարադատության ակադեմիայի կառավարման խորհրդի անդամ:

2014 թվականի հուլիսի 25-ին Հայաստանի Հանրապետության դատավորների ընդհանուր ժողովի կողմից ընտրվել է Հայաստանի Հանրապետության դատավորների ընդհանուր ժողովի ուսումնական հարցերի հանձնաժողովի անդամ:

2014 թվականի հուլիսի 31-ին ընտրվել է Հայաստանի Հանրապետության դատավորների ընդհանուր ժողովի ուսումնական հարցերի հանձնաժողովի նախագահ:

2016 թվականին հանդիսացել է Արդարադատության ակադեմիայի կառավարման խորհրդի նախագահը:

2017 թվականի դեկտեմբերի 22-ին ընտրվել է Արդարադատության ակադեմիայի կառավարման խորհրդի անդամ:

2018 թվականի հունվարի 26-ին ընտրվել է Արդարադատության ակադեմիայի կառավարման խորհրդի նախագահ:

2018 թվականի հուլիսի 20-ին Հայաստանի Հանրապետության Նախագահի հրամանագրով նշանակվել է Հայաստանի Հանրապետության վճռաբեկ դատարանի քաղաքացիական և վարչական պալատի նախագահ՝ 6 տարի ժամկետով:

Հայաստանի Հանրապետության Սահմանադրության 166-րդ հոդվածի 5-րդ մասի և «Ազգային ժողովի կանոնակարգ» սահամանադրական օրենքի 142-րդ հոդվածի 6-րդ մասի հիմքով 2018 թվականի սեպտեմբերի 13-ին Հայաստանի Հանրապետության ազգային ժողովի կողմից ընտրվել է Հայաստանի Հանրապետության վճռաբեկ դատարանի նախագահ՝ 6 տարի ժամկետով:

2017 թվականի ապրիլի 28-ին Հայաստանի Հանրապետության դատավորների միության ընդհանուր ժողովի կողմից ընտրվել է «Հայաստանի Հանրապետության դատավորների միություն» հասարակական կազմակերպության նախագահ:

2014 թվականի սեպտեմբերի 18-ին Հայաստանի Հանրապետության Նախագահի հրամանագրով, Հայաստանի Հանրապետության Անկախության տոնի առթիվ, դատական համակարգի զարգացման գործում ներդրած ավանդի համար պարգևատրվել է Մխիթար Գոշի մեդալով:

2017 թվականի դեկտեմբերի 29-ին Հայաստանի Հանրապետության Նախագահի հրամանագրով, օրինականության և իրավակարգի ամրապնդման գործում ունեցած վաստակի համար շնորհվել է Հայաստանի Հանրապետության վաստակավոր իրավաբանի պատվավոր կոչում:

Եվգենյա Համբարձումյան