Իրավաբան.net լրատվական կայքը հայտարարում է մոնտաժողների և օպերատորների մասնագիտական պրակտիկայի անցկացման հնարավորության մասին:
Պրակտիկան անվճար է, որի ընթացքում մասնակիցները կհմտանան օպերատորական աշխատանքում, կլուսանկարահանեն դատական նիստեր, հարցազրույցներ, միջոցառումներ, կպատրաստեն ռեպորտաժներ և հարցումներ: Մասնակիցները նաև հնարավորություն կունենան մասնակցել Իրավաբան.net կայքի հատուկ նախագծերին:
Այսպիսով` պրակտիկայի ավարտին օպերատորները և մոնտաժողները`
1. կստանան մասնագիտական նոր գիտելիքներ,
2. կկարողանան դրանք կիրառել գործնականում,
3. կխորացնեն սեփական հմտությունները մասնագիտական հեռուստալրագրության ասպարեզում:
Համապատասխան որակավորում ունեցող անձիք կարող են ներկայացնել համապատասխան դիմում, իրենց ամփոփ ինքնակենսագրականը (CV) և հետաքրքրության նամակը (մինչև 300 բառ)` [email protected] էլեկտրոնային փոստի հասցեով` մինչև մայիսի 12-ը, ժամը 23:59-ը` նամակի վերնագիրը անվանելով՝ «Պրակտիկա »:
Ընտրությունը կատարվելու է մրցութային հիմունքներով: Պրակտիկան հաջողությամբ ավարտած մասնակիցներին կտրվի հավաստագիր:
Պրակտիկայի լավագույն մասնակիցը աշխատանքի ընդունվելու հնարավորություն կստանա:
Իրավաբան.net լրատվական կայքը հիմնադրվել է 2012 թվականից և գործարկվում է Իրավաբանների հայկական ասոցիացիայի կողմից:
