«Շահումով խաղերի, ինտերնետ շահումով խաղերի և խաղատների մասին» օրենքի 13.2(բ) հոդված համաձայն, շահումով խաղերի, խաղատների գործունեության կազմակերպիչը պարտավոր է արգելել քսանմեկ տարին չլրացած անձանց մուտքը խաղասրահ:
Պետական եկամուտների կոմիտեն՝ որպես վերահսկող մարմին, կիրառում է պատասխանատվության միջոցներ՝ (տվյալ դեպքում տուգանք) օրենսդրական պահանջները խախտած կազմակերպիչների նկատմամբ:
Եթե կազմակերպիչը խախտել է վերը նշված օրենսդրական պահանջը, ապա տուգանքը՝ որպես պատասխանատվության միջոց կիրառվում է՝
- առաջին անգամ՝ խախտման յուրաքանչյուր դեպքի համար` երկու միլիոն դրամ,
- առաջին անգամ խախտումը հայտնաբերելու օրվանից երկու տարվա ընթացքում երկրորդ անգամ՝ խախտման յուրաքանչյուր դեպքի համար` հինգ միլիոն դրամ,
- առաջին անգամ խախտումը հայտնաբերելու օրվանից երկու տարվա ընթացքում երրորդ անգամ՝ խախտման յուրաքանչյուր դեպքի համար` տասը միլիոն դրամ:
Եթե կազմակերպիչը համաձայն չէ տուգանքի կիրառման վերաբերյալ վերահսկող մարմնի որոշման հետ, ապա վերահսկող մարմինը տուգանքը գանձելու հայցով դիմում է դատարան:
