ՀՀ նախագահ Սերժ Սարգսյանի ստորագրած հրամանագրով նշանակվել են ՀՀ քննչական կոմիտեի նախագահ Աղվան Հովսեփյանի տեղակալները: Այս մասին տեղեկանում ենք ՀՀ Նախագահի պաշտոնական կայքից:
Քննչական կոմիտեի տեղակալ է նշանակվել Արամ Թամազյանը, ով ՀՀ նախագահի մեկ այլ հրամանագրով, իր դիմումի համաձայն, ազատվել է ՀՀ գլխավոր դատախազի տեղակալի պաշտոնից:
Քննչական կոմիտեի նախագահի տեղակալ, հատկապես կարևոր գործերի քննության գլխավոր վարչության պետ է նշանակվել Վահագն Հարությունյանը:
Քննչական կոմիտեի ղեկավարի տեղակալ, զինվորական քննչական գլխավոր վարչության պետ է նշանակվել Արմեն Հարությունյանը: Նա ՀՀ նախագահի մեկ այլ հրամանագրով ազատվել է ՀՀ ՊՆ քննչական ծառայության պետի պաշտոնից:
Քննչական կոմիտեի ղեկավարի տեղակալ է նշանակվել իրավաբանական գիտությունների դոկտոր Արթուր Ղամբարյանը:
Իրավաբան.net-ը ավելի վաղ տեղեկացրել էր, որ նորաստեղծ Քննչական կոմիտեի նախագահ Աղվան Հովսեփյանը կունենա չորս տեղակալներ:
