Ինչպես Iravaban.net-ը տեղեկանում է Դատալեքս դատական տեղեկատվական համակարգից, Երևանի առաջին ատյանի ընդհանուր իրավասության քրեական դատարանում գործ է հարուցվել Ա.Ս.-ի և Հ.Վ.-ի նկատմամբ՝ անօրինական միգրացիայի կազմակերպման մեղադրանքով:
Մեղադրանքի էությունը
Համաձայն մեղադրական եզրակացության՝ Ա.Ս.-ին և Հ.Վ.-ին մեղադրանք է առաջադրվել ՀՀ քրեական օրենսգրքի 470-րդ հոդվածի 3-րդ մասի 1-ին կետով: Ըստ մեղադրանքի, նրանք հանցանքը համատեղ կատարելու մասին նախնական համաձայնության գալով, շահադիտական նպատակով 2024 թվականի ընթացքում կազմակերպել են ՀՀ քաղաքացի Հ.Հ.-ի անօրինական միգրացիան դեպի Շենգենյան համաձայնության երկրներ:
Գործի մանրամասները
Մեղադրական եզրակացության համաձայն, մեղադրյալները դեռևս չպարզված հանգամանքներում պատրաստել են կեղծ փաստաթղթեր Հ.Հ.-ի վերաբերյալ՝
- ՀՀ ՊՆ Վանաձոր քաղաքի զինկոմիսարիատում որպես գլխավոր մասնագետ աշխատելու վերաբերյալ
- 000 ՀՀ դրամ աշխատավարձ ստանալու մասին
- «Արդշինբանկ» ՓԲԸ-ում առկա հաշվեհամարի գումարային շարժի վերաբերյալ
Այս փաստաթղթերի հիման վրա Հ.Հ.-ը դիմել է ՀՀ-ում գտնվող Հունաստանի դեսպանություն և ստացել է 010874972 համարի Շենգենյան համաձայնության երկրներ մուտքի արտոնագիր:
Գործի ներկա կարգավիճակը
Քրեական գործը գրանցվել է ԵԴ1/2964/01/25 (58223125 նախաքննական համար) համարով: Գործի քննությունը հանձնարարվել է դատավոր Վահագն Մելիքյանին: Նախնական դատալսումները նշանակվել են 2025 թվականի օգոստոսի 29-ին, իսկ հերթական դատական նիստը կայանալու է 2025 թվականի հոկտեմբերի 28-ին:
Որպես խափանման միջոց է ընտրվել բացակայելու արգելքը:
Ծանուցում
Անմեղության կանխավարկած. Սույն հոդվածում նշված անձինք համարվում են անմեղ, քանի դեռ նրանց մեղավորությունն ապացուցված չէ օրինական ուժի մեջ մտած դատավճռով: Հրապարակված տեղեկատվությունը հիմնված է Դատալեքս համակարգում հրապարակված պաշտոնական փաստաթղթերի վրա և նպատակ չունի նախապես եզրակացություններ անել գործի ելքի վերաբերյալ:
