Ինչպես տեղեկացնում է Iravaban.net-ը, Վարչական իրավախախտումների վերաբերյալ ՀՀ օրենսգրքի 126-րդ հոդվածը հստակ սահմանում է տրանսպորտային միջոցները ոչ սթափ վիճակում վարելու համար նախատեսված պատասխանատվության միջոցները:
Ո՞ր դեպքում է վարորդը համարվում ոչ սթափ.
Օրենքի համաձայն՝ անձը համարվում է ոչ սթափ վիճակում գտնվող, եթե՝
- մեկ լիտր արյան մեջ մաքուր ալկոհոլի պարունակությունը 0.2 գրամից ավելի է,
- մեկ լիտր արտաշնչած օդի մեջ մաքուր ալկոհոլի պարունակությունը 0.1 միլիգրամից ավելի է,
- արյան կամ մեզի մեջ առկա է թմրամիջոցի կամ հոգեմետ նյութի պարունակություն։
Պատասխանատվության միջոցները.
Օրենսդրությամբ սահմանված են հետևյալ պատժամիջոցները՝
- ալկոհոլի ազդեցության տակ վարելը.
- տուգանք՝ սահմանված նվազագույն աշխատավարձի 29-ապատիկի չափով,
- 5 տուգանային միավոր,
- հասարակական տրանսպորտ կամ տաքսի վարելը ոչ սթափ վիճակում.
- վարորդական իրավունքից զրկում՝ 6 ամիս ժամկետով,
- արյան մեջ ալկոհոլի բարձր պարունակությամբ մեքենա վարելը.
- եթե արյան մեջ ալկոհոլի պարունակությունը գերազանցում է 1 գրամը կամ արտաշնչած օդում՝ 0.5 միլիգրամը,
- վարորդական իրավունքից զրկում՝ 1 տարի ժամկետով,
- թմրամիջոցների կամ հոգեմետ նյութերի ազդեցության տակ մեքենա վարելը.
- վարորդական իրավունքից զրկում՝ 2 տարի ժամկետով,
- սթափության վիճակի ստուգումից խուսափելը,
- վարորդական իրավունքից զրկում՝ 2 տարի ժամկետով,
- կրկնակի խախտումը.
- եթե նույն խախտումը կատարվում է վարչական տույժի նշանակման օրվանից հետո՝ 1 տարվա ընթացքում,
- վարորդական իրավունքից զրկում՝ 1 տարի ժամկետով։
Ինչպե՞ս է որոշվում ոչ սթափ վիճակը.
Արտաշնչած օդի մեջ մաքուր ալկոհոլի պարունակությունը կարող է որոշվել տեխնիկական միջոցով կամ բժշկական փորձաքննությամբ: Արյան կամ մեզի մեջ ալկոհոլի կամ թմրամիջոցների պարունակությունը որոշվում է միայն բժշկական փորձաքննությամբ:
Պետք է նշել, որ օրենքը սահմանում է նաև պատասխանատվություն այն դեպքերում, երբ անձը ոստիկանության կողմից կանգնեցվելուց կամ ճանապարհատրանսպորտային պատահարից հետո, բայց մինչև սթափության ստուգում անցկացնելը, օգտագործում է ալկոհոլ, թմրամիջոց կամ հոգեմետ նյութ:
Ճանապարհային անվտանգության ապահովման նպատակով իրավապահ մարմինները խստորեն հետևում են այս դրույթների կատարմանը և կոչ են անում վարորդներին զերծ մնալ ոչ սթափ վիճակում տրանսպորտային միջոց վարելուց:
Հավելյալ տեղեկությունների համար կարող եք այցելել Iravaban.net մասնագիտական առցանց մեդիա։
Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի։
