Թուրքիայի և ՄԱԿ-ի ներկայացուցիչները վերսկսել են նավերի ստուգումը պարենային գործարքի շրջանակներում այն բանից հետո, երբ Ռուսաստանը դուրս է եկել համաձայնագրերից, հայտնում է Reuters-ը՝ վկայակոչելով համաշխարհային կազմակերպության ներկայացուցչին. գրում է РИА Новости-ն։
«Թուրքիայի և ՄԱԿ-ի թիմերը վերսկսել են նավերի ստուգումները, որոնք նախատեսված են սևծովյան հացահատիկի գործարքի շրջանակներում», – ասվում է հաղորդագրությունում։
Հոկտեմբերի 31-ին ՄԱԿ-ը Անկարայի և Կիևի հետ համաձայնեցրել է 16 նավերի տեղաշարժը և մտադիր է ստուգել 40 նավեր, որոնք խարսխված են Ստամբուլի մոտ։
Թուրքիայում Ռուսաստանի դեսպան Ալեքսեյ Երխովը հայտարարել է, որ Մոսկվան այլևս չի կարող երաշխավորել հացահատիկի գործարքում ներգրավված բեռնատար նավերի անվտանգությունը։
Հոկտեմբերի 29-ին ՌԴ ԱԳՆ-ն հայտարարեց, որ պարենային գործարքն անորոշ ժամանակով կասեցվել է։ Գերատեսչությունը պարզաբանել է, որ հոկտեմբերի 29-ին ուկրաինական զորքերը, հացահատիկի արտահանման համար ստեղծված մարդասիրական միջանցքի քողի տակ, Սևաստոպոլում զանգվածային հարձակումներ են իրականացրել նավերի և Սևծովյան նավատորմի ենթակառուցվածքների վրա։
