Ադրբեջանի նախագահ Իլհամ Ալիևը Ֆայիա Մագբեթ օղլու Գուլիևային Վրաստանում Ադրբեջանի արտակարգ և լիազոր դեսպան նշանակելու հրամանագիր է ստորագրել: «Արմենպրես»-ի փոխանցմամբ՝ այս մասին հայտնում են ադրբեջանական լրատվամիջոցները:

Մեկ այլ հրամանագրով՝ Դուրսուն Հասանովը հետ էր կանչվել Վրաստանում Ադրբեջանի արտակարգ և լիազոր դեսպանի պաշտոնից:

Հուլիսի 12-21-ը Հայաստանի Հանրապետության սահմանին Տավուշի ուղղությամբ Ադրբեջանի սանձազերծած գործողությունների ընթացքում Ադրբեջանի նախագահը դժգոհել էր երկրի դիվանագիտական կորպուսից, մասնավորապես՝ տարբեր երկրներում Ադրբեջանի դեսպաններից: Ալիևը նշել էր, որ որոշ դեսպաններ չեն կարողանում պատշաճ մակարդակով պաշտպանել Ադրբեջանի շահերը: Ալիևը նախ պաշտոնանկ արեց Արտաքին գործերի նախարար Էլմար Մամեդյարովին, ապա նոր նախարար Ջեյհուն Բայրամովին հանձնարարեց զբաղվել դեսպանների խնդրով:

Հոդվածն ամբողջությամբ՝ սկզբնաղբյուր կայքում։