Էներգետիկ ոլորտում Հայաստանն ունի երկու հնարավոր զարգացման սցենար՝ առաջինը փորձել ընդհանրապես էներգակիրների գինը նվազեցնել երկրում, իսկ երկրորդը՝ փորձել նվազեցնել, ենթադրենք, հոսանքի գինը: Այս մասին այսօր՝ հոկտեմբերի 17-ին, լրագրողների հետ զրույցում նշել է ՀՀ արդարադատության նախարար Դավիթ Հարությունյանը։
Դավիթ Հարությունյանը ներկայացրեց այս հարցում կառավարության տարբերակները, և ընդգծեց, որ կառավարության ընտրությունը քաղաքական որևէ ազդեցության ենթակա չի լինի:
«Մենք ատոմակայան կունենանք, եթե այն գնային առումով, սակագնային առումով լինի արդյունավետ»,- նշեց Դավիթ Հարությունյանը:
Նա նաև ներկայացրեց կառավարության կողմից տվյալ պահին որդեգրված տարբերակը,- «Եթե մենք դնենք 1000 վատտանոց ատոմակայան, դա անիմաստ է Հայաստանի պարագայում, որովհետև էլեկտրաէներգիայի սակագինն էապես թանկ կլինի, քան եթե դնեինք 600 մեգավատտանոց ատոմակայան»,-պարզաբանեց նախարարը:
Ալիսա Չիլինգարյան
Ալեքսանդր Սարգսյան
