ՀՀ կառավարության 2014 թվականի մարտի 27-ի N 375-Ն որոշմամբ հաստատվում է սոցիալական փաթեթի շահառուների առողջապահական փաթեթի շրջանակներում պետության կողմից երաշխավորված անվճար բժշկական օգնության և սպասարկման ֆինանսավորման կարգը:
2015 թվականին ծրագրի շրջանակներում բժշկական կազմակերպությունների պայմանագրային գումարները հաշվարկվում են`
1. շահառուների պարտադիր կանխարգելիչ բժշկական քննության համար` տվյալ կազմակերպության կողմից գրանցված` 18 տարեկան և ավելի բարձր տարիքի բնակչության թվի և Հայաստանի Հանրապետության առողջապահության նախարարի կողմից հաստատված` ըստ տարածաշրջանների դիֆերենցված մեկ բնակչի հաշվով նորմատիվի արտադրյալով.
2. հիվանդանոցային բժշկական օգնության համար` 2014 թվականի ընթացքում բժշկական կազմակերպությունների կողմից ծրագրի շրջանակներում փաստացի կատարված աշխատանքների ծավալների համամասնությամբ.
3. դժվարամատչելի ախտորոշիչ հետազոտությունների համար` 2014 թվականին «Դժվարամատչելի ախտորոշիչ հետազոտություններ» ծրագրով բժշկական կազմակերպությունների կողմից փաստացի կատարված աշխատանքների ծավալների համամասնությամբ:
Առավել մանրամասն անվճար բժշկական օգնության և ֆինանսավորման կարգին կարող եք ծանոթանալ որոշման 2-րդ գլխում:
