Մեր օրերում հաճախ ենք ականատես լինում այն դեպքերին, երբ երեխան սոցիաալապես անապահով վիճակում գտնվելու պատճառով չի կարող օգտվել իր կրթություն ստանալու իրավունքից:
«Պետական նպաստների մասին» ՀՀ օրենքը հաշվի առնելով այս կարևորագույն խնդիրը` հոդված 20-ում սահմանել է Երեխայի՝ առաջին դասարան ընդունվելու միանվագ հրատապ օգնության իրավունքը:
Այսպես, երեխայի՝ առաջին դասարան ընդունվելու միանվագ հրատապ օգնության իրավունք ունի դիմելու ամսվա դրությամբ ընտանեկան նպաստի իրավունք ունեցող այն ընտանիքը, որի անչափահաս անդամներից մեկն ընդունվել է հանրակրթական ուսումնական հաստատության առաջին դասարան:
Այս իրավունքի իրականացման համար ընտանիքի չափահաս անդամներից մեկը դիմում է տարածքային կենտրոն: Երեխայի՝ առաջին դասարան ընդունվելու միանվագ հրատապ օգնությունը նշանակվում է, եթե ընտանիքի չափահաս անդամներից մեկը դիմել է երեխայի՝ առաջին դասարան ընդունվելու տարվա օգոստոս, սեպտեմբեր, հոկտեմբեր ամիսների ընթացքում, և ընտանիքը դիմելու ամսվա դրությամբ ունի ընտանեկան նպաստ ստանալու իրավունք:
Երեխայի՝ առաջին դասարան ընդունվելու միանվագ հրատապ օգնությունը նշանակվում է ընտանիքի՝ առաջին դասարան ընդունվող յուրաքանչյուր երեխայի համար: Որպես կանոն, հարկ է նշել, որ այն վճարվում է դիմելու ամսվան հաջորդող ամսվա ընթացքում:
