Թուրքիայի նախագահ Ռեջեփ Թայիփ Էրդողանն ասել է, որ չի նախատեսում կրկին առաջադրվել երկրի ղեկավարի պաշտոնում։ Նրա խոսքով՝ երկրին անհրաժեշտ է նոր, քաղաքացիակենտրոն Սահմանադրություն, որը կհամապատասխանի ժամանակի պահանջներին։

«Թուրքիան այլևս չի կարող առաջ շարժվել մի Սահմանադրությամբ, որը գրած է խռովարարների կողմից։ Մենք ապրում ենք նոր դարում, և մեզ անհրաժեշտ է մի հիմնական օրենք, որը կառաջարկեն քաղաքացիական անձինք»,-ասել է Էրդողանը լրագրողներին Հունգարիայից վերադառնալիս։