Սև ծուխն ազդարարում է կոնկլավի առաջին օրվա ավարտը։ 267-րդ Պապի ընտրության առաջին քվեարկությունից հետո Պապ չի ընտրվել։ Այս մասին հայտնում են VaticanNews-ից։
Չորեքշաբթի երեկոյան ժամը 21:00-ին Սիքստինյան կապելլայի վրայի ծխնելույզից սև ծուխ է դուրս եկել՝ ազդարարելով, որ առաջին քվեարկությունն անցկացվել է և ավարտվել է առանց Հռոմի պապի ընտրության:
Նշվում է, որ շուրջ 45,000 մարդ հավաքվել էր Սուրբ Պետրոսի հրապարակում՝ սպասելու հայտարարությանը։
