Ռուսաստանը միջազգային կազմակերպություններից պահանջում է համապատասխան արձագանք՝ ԵՄ երկրներում ռուսական լրատվամիջոցների Telegram ալիքների արգելափակմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Պահանջում ենք, որ համապատասխան միջազգային կառույցները պատշաճ գնահատական տան նման գործողություններին, առաջին հերթին արձագանք ենք ակնկալում ՄԱԿ-ի մարդու իրավունքների մեխանիզմներից, ՅՈՒՆԵՍԿՕ-ի ղեկավարությունից և նրա գլխավոր տնօրեն Օդր Ազուլայից, ինչպես նաև ԵԱՀԿ վերջերս նշանակված ներկայացուցչից»,-ասվում է Զախարովայի մեկնաբանության մեջ. «Մենք հուսով ենք, որ նրա առաջին քայլերն այս պաշտոնում չեն լինի իր նախորդի արատավոր պրակտիկայի միտումնավոր շարունակությունը՝ անտեսելով ռուսական լրատվամիջոցների դեմ հարձակումները և հայրենական լրագրողների դեմ հանցագործությունները»:
«Այս և նմանատիպ հարձակումները մեր լրատվամիջոցների վրա աննկատ չեն մնա ռուսական կողմի կողմից, մենք մեզ իրավունք ենք վերապահում սիմետրիկ պատասխան քայլերի»,- ընդգծել է դիվանագետը։
