Բելառուսի նախագահ Ալեքսանդր Լուկաշենկոն Ադրեջանի նախագահ Իլհամ Ալիևին նամակ է գրել՝ վերջերս ադրբեջանական ինքնաթիռի կործանման վերաբերյալ․
«Բելառուսի Հանրապետությունը խոր ցավով և վշտով տեղեկացավ Ղազախստանի Ակտաու քաղաքի մոտ AZAL ավիաընկերության մարդատար ինքնաթիռի վթարի հետևանքով մարդկանց ողբերգական մահվան լուրի մասին։
Բելառուսները կիսում են Ադրբեջանի եղբայրական ժողովրդին պատուհասած դժբախտության ծանրությունը և անդառնալի կորուստների վիշտը։
Այս դժվարին ժամին խնդրում եմ ընդունել Ձեզ աջակցության և կարեկցանքի անկեղծ խոսքերը զոհվածների բոլոր հարազատներին և ընկերներին, իսկ վիրավորներին մաղթում եմ շուտափույթ ապաքինում»,-գրել է Լուկաշենկոն։
Հիշեցնենք՝ ինքնաթիռը կործանվել է դեկտեմբերի 25-ին, սակայն Լուկաշենկոն միայն նոր է որոշել ցավակցել։
