ԱՄՆ պաշտպանության նախարարությունը ուրբաթ օրը՝ նոյեմբերի 1-ին, հայտարարել է Ուկրաինային 425 մլն դոլարի ռազմական օգնության նոր փաթեթի հատկացման մասին։ Խոսքը բանակի պահեստներում պահվող զենքի հերթական խմբաքանակի մասին է։
Պենտագոնի ղեկավար Լլոյդ Օսթինը հոկտեմբերի 31-ին հայտարարել էր Ուկրաինային սպառազինությունների ընթացիկ փաթեթի տրամադրման մասին։ Մատակարարվող զենքերի և նյութերի ցանկը հրապարակված է Պենտագոնի կայքում։
400 միլիոն դոլար արժողությամբ նախորդ նմանատիպ փաթեթի մասին հայտարարվել էր հոկտեմբերի 21-ին Օսթինի Կիև կատարած այցի ժամանակ։
Նշենք՝ երեքշաբթի օրը՝ նոյեմբերի 5-ին, ԱՄՆ-ն ընտրում է իր 47-րդ նախագահին։
