.png)
Նոյեմբերի 11-ից նախագահական նստավայրի մոտ հացադուլ հայտարարած և բերանը կարած Աշոտ Խուդոյանն այսօր հանդիպել է գլխավոր դատախազ Գևորգ Կոստանյանի հետ: Վերջինս խոստացել է, որ անձամբ կհետևի, որ այս գործով ընթանա արդար քննություն:
Խուդոյանը նախագահական նստավայրի մոտ հենց լրագրողների ներկայությամբ քանդեց բերանի կարերը` միաժամանակ նշելով, որ սրանով իր բողոքի ակցիան չի ավարտվում, բայց Գևորգ Կոստանյանի հետ հանդիպումից հետո իր այստեղ մնալը կլինի պարզապես դերասանություն և զրպարտանք:
«Ես իմ իրերի մի մասը թողնում եմ այստեղ և գնում էջմիածին: Եթե իմ խնդիրն արդարացի լուծում չստանա, ես նորից ես եմ գալու»,- լրագրողների հետ զրույցի ժամանակ ասաց Աշոտ Խուդոյանը:
Տեսանյութը՝ այստեղ:
Իրավաբան.net
