Մոսկվայում տեղի ունեցած ահաբեկչության հետևանքով 107 տուժած այս պահին գտնվում է բուժհաստատություններում, նրանցից 3-ը երեխա են։ Այս մասին հայտնել է ՌԴ փոխվարչապետ Տատյանա Գոլիկովան։
Նրա խոսքով, տուժածներից 15-ի վիճակը ծայրահեղ ծանր է, 42-ինը՝ ծանր։
«Մենք ակտիվորեն համագործակցում ենք բոլոր բուժհաստատությունների հետ: Բոլորին ցուցաբերվել և շարունակում է ցուցաբերվել անհրաժեշտ բժշկական օգնություն: Դեղորայքը, արյունը, վիրակապերը բավարար են»,- ասել է նա:
