Ռուսաստանի, Ադրբեջանի և Հայաստանի ղեկավարների եռակողմ հանդիպման հեռանկարի մասին ՌԴ նախագահի մամուլի քարտուղար Դմիտրի Պեսկովն ասել է, որ առայժմ եռակողմ հանդիպման վերաբերյալ հստակ ակնարկներ չկան։ Գրում է РИА Новости-ն։
Պեսկով ընդգծել է, որ իրավիճակի կարգավորմանն ուղղված այլ խաղաղապահ ջանքերը ողջունելի են։
Նա նշել է, որ Հայաստանը մնում է Ռուսաստանի դաշնակիցը, իսկ հայերը ռուսներին մոտ ժողովուրդ են։
«Հայաստանը մնում է մեր դաշնակիցը, մեզ մոտ պետությունը, հայերը մեզ հարազատ ժողովուրդ են, գիտեք, որ մեր երկրում ավելի շատ հայ է ապրում, քան ամբողջ Հայաստանում։ Մենք շարունակելու ենք կատարել մեր գործառույթները, շարունակելու ենք երկխոսությունը հայկական կողմի, ՀՀ վարչապետ Նիկոլ Փաշինյանի հետ, մենք նաև կշարունակենք աշխատել, որպեսզի հարգվեն Ղարաբաղի բնակիչների բոլոր իրավունքները»,- ասել է Պեսկովը։
