Ukrinform-ը գրում է, որ ռուսական ուժերը պայթեցրել են Դնեպր գետի վրա գտնվող Կախովկա ամբարտակը, որը Կախովսկայա հիդրոէլեկտրակայանի (ՀԷԿ) մաս է կազմում։
«Կախովկա ՀԷԿ-ը պայթեցվել է ռուսական օկուպացիոն ուժերի կողմից: Ներկայումս պարզվում են ավերածությունների մասշտաբները, ջրի արագությունն ու ծավալը, ջրհեղեղի հավանական վայրերը: Բոլոր ծառայություններն աշխատում են: Իրավիճակը վերահսկվում է»,-ասվում է հաղորդագրությունում։
Ամբարտակի վնասման մասին ռուսական TASS-ը գրում է․
«Գիշերը սկսեցին տեղեկություններ շրջանառվել Ուկրաինայի զինված ուժերի կողմից Դնեպրի վրա Կախովսկայա հիդրոէլեկտրական ամբարտակի վնասման մասին։ Նովայա Կախովկայի քաղաքապետ Վլադիմիր Լեոնտևը հայտնել է, որ պայթյուն չի եղել, բայց գիշերային հարվածները հանգեցրել են փականների ոչնչացմանը, ջուրը սկսել է անվերահսկելիորեն հոսել ներքև։
Արտակարգ ծառայությունների տվյալներով՝ Կախովսկայա հիդրոէլեկտրակայանի 28 հենակետերից 11-ը քանդված է, այժմ կայանը կասկադով քանդվում է, իսկ 80 բնակավայր կարող է հայտնվել հեղեղումների գոտում։ Գործակալության զրուցակցի խոսքով՝ ջուրն այժմ շարժվում է դեպի Կազան և Պերեսլավսկի կղզիներ։
Նովա Կախովկայի ղեկավարի խոսքով՝ Ուկրաինայի զինված ուժերը շարունակում են գնդակոծել քաղաքը։ Կախովսկայա հիդրոէլեկտրակայանի հարվածը, ենթադրաբար, հասցվել է MLRS Alder-ից»։
