«Հանդիպումը լավ է անցել, կարծում եմ՝ կառուցողական էր։ Քննարկվել են բազմաթիվ հարցեր, այդ թվում՝ Հայաստանի և Ադրբեջանի միջև խաղաղության համաձայնագրի ստորագրումը»,-այս մասին փետրվարի 18-ին Մյունխենում ադրբեջանական հեռուստաալիքներին տված հարցազրույցում ասել է Ադրբեջանի նախագահ Իլհամ Ալիևը։
Ալիևի խոսքով՝ ինքը ևս մեկ անդամ հայտնել է իր դիրքորոշումը։
«Հիմնական հարցն այն է, որ այս խաղաղ պայմանագիրը պետք է կազմվի միջազգային նորմերի և սկզբունքների հիման վրա, Արցախի վերաբերյալ ցանկացած դրույթ անընդունելի է։ Երեք օր առաջ մենք ստացանք Հայաստանի պատասխան առաջարկները՝ մեր առաջարկներին։ Ներկայումս մենք ուսումնասիրում ենք դրանք»,-ասել է նա։
Նշենք, որ այսօր՝ փետրվարի 18-ին, Մյունխենի անվտանգության համաժողովի շրջանակում տեղի է ունեցել ՀՀ վարչապետ Նիկոլ Փաշինյանի, ԱՄՆ պետքարտուղար Էնթոնի Բլինքենի և Ադրբեջանի նախագահ Իլհամ Ալիևի եռակողմ հանդիպումը:
