Լատվիայի իշխանությունները Ռուսաստանի դեսպան Միխայիլ Վանինին կարգադրել են լքել երկիրը մինչև փետրվարի 24-ը։ Այս մասին հայտնել է Բալթյան Հանրապետության արտաքին գործերի նախարարությունը, փոխանցում է ТАСС-ը։
«Ռուսաստանի դեսպանը պետք է լքի Լատվիան մինչև 2023 թվականի փետրվարի 24-ը: Ռուսաստանի Դաշնությունում Լատվիայի Հանրապետության դեսպանը նույնպես կլքի Ռուսաստանը մինչև փետրվարի 24-ը»,- ասված է նախարարության պաշտոնական հաղորդագրության մեջ։
Հունվարի 23-ին ՌԴ դեսպանը կանչվել է Լատվիայի ԱԳՆ, որտեղ նրան տեղեկացրել են փետրվարի 24-ից Ռուսաստանի հետ դիվանագիտական հարաբերությունների մակարդակը իջեցնելու Լատվիայի իշխանությունների որոշման մասին։ Հանրապետության իշխանությունները նման միջոցներ են ձեռնարկել ինչպես ուկրաինական ճգնաժամի պատճառով, այնպես էլ ի նշան Էստոնիայի և Լիտվայի հետ համերաշխության, ասվում է զեկույցում։
2022 թվականի մայիսի 23-ին Լիտվայի նախագահ Գիտանաս Նաուսեդան հրամանագիր է ստորագրել Լիտվայի և Ռուսաստանի միջև դիվանագիտական ներկայացուցչությունը նվազեցնելու մասին, համաձայն որի՝ Լիտվան հետ է կանչել Ռուսաստանում իր դեսպանի լիազորությունները։ Դեսպան Էյտվիդաս Բայառունասը հետ է կանչվել Մոսկվայից ապրիլի 4-ին Ուկրաինայի իրադարձությունների կապակցությամբ։
