Ֆրանսիայի իշխանությունները 2023 թվականի սեպտեմբերի 1-ից կսկսեն բարձրացնել երկրի կենսաթոշակային տարիքը տարեկան 3 ամսով, իսկ մինչև 2030 թվականը այն կհասնի 64 տարեկանի, հունվարի 10-ի մամուլի ասուլիսի ժամանակ հայտարարել է Ֆրանսիայի վարչապետ Էլիզաբեթ Բորնը, փոխանցում է «ՌԻԱ Նովոստին»։
Նա ներկայացրել է կենսաթոշակային վիճահարույց բարեփոխումների նախագիծը, որը կառավարությունը նախատեսում է ընդունել 2023 թվականին։
«2023 թվականի սեպտեմբերի 1-ից պաշտոնական կենսաթոշակային տարիքը աստիճանաբար կավելանա տարեկան 3 ամսով՝ մինչև 2030 թվականը հասնելով 64-ի։ Նախագահի հնգամյա ժամկետի ավարտին (Էմանուել Մակրոն) այն կդառնա 63 տարի 3 ամիս», – ասել է նա:
Ընթացիկ կենսաթոշակային տարիքը Ֆրանսիայում 62 տարեկան է և՛ տղամարդկանց, և՛ կանանց համար:
Բորնը նշել է, որ անհրաժեշտ է «հավասարակշռություն պահպանել» աշխատող քաղաքացիների և թոշակառուների թվի միջև երկրում, որն անշեղորեն աճում է։
Կառավարության ղեկավարը նշել է նաև, որ բարեփոխումը նախատեսում է վաղաժամկետ կենսաթոշակ տրամադրել այն անձանց, ովքեր վաղաժամկետ աշխատանքի են անցել։ Օրինագիծը ենթադրում է նաև, որ տարիների հաշվարկում ներառվելու է նաև կանանց ծննդաբերության արձակուրդը, մինչդեռ մինչ այժմ դա հաշվի չի առնվել։
