Իրկուտսկում Սու-30 ինքնաթիռը ընկել է մասնավոր հատվածում, փայտե տան վրա, հայտնել է շրջանի նահանգապետը։ Գրում է РИА Новости-ն։
Արտակարգ իրավիճակների նախարարության տարածաշրջանային գլխավոր վարչությունը հայտարարել է, որ Սու-30 կործանիչը կործանվել է փորձարկումների ժամանակ։
Գործակալության տվյալներով՝ ինքնաթիռը բախվել է Պավել Կրասիլնիկով փողոցի երկհարկանի տներից մեկին։ Երկու օդաչուներն էլ զոհվել են։ Հրդեհի մակերեսը կազմել է 200 քմ, բաց այրումը վերացվել է։
Տվյալ տանը հինգ մարդ է ապրել։ Վթարի պահին նրանք տանը չեն եղել։ Տարածաշրջանային իշխանությունները կփոխհատուցեն վնասը։
Միջադեպի հետևանքով 150 տուն մնացել է առանց էլեկտրականության։
Հարուցվել է քրեական գործ՝ օդային տրանսպորտի անվտանգության և շահագործման կանոնները խախտելու հոդվածով։
Տեսանյութը՝ այստեղ։
