Iravaban.net-ը հայտարարում է լրագրողների մասնագիտական պրակտիկայի անցկացման մրցույթ՝ 2 անձի համար։
Պրակտիկայի ընթացքում մասնակիցները ձեռք կբերեն գիտելիքներ և հմտություններ դատաիրավական լրագրության ոլորտում, կտիրապետեն տվյալների լրագրության հիմնական սկզբունքներին և գործիքներին, կհմտանան օպերատիվ լրահոսի պատրաստման, թողարկման, դատական գործերի լուսաբանման, հարցազրույցներ և վերլուծական նյութեր պատրաստելու գործում:
Պրակտիկան անվճար է։ Այն տևելու է 1 ամիս և սկսկվելու է օգոստոսի 1-ից: Հայտեր կարող են ուղարկել ՀՀ բարձրագույն ուսումնական հաստատությունների լրագրության ֆակուլտետների ավարտական կուրսերում սովորող ուսանողները և շրջանավարտները:
Համապատասխան որակավորում ունեցող անձիք կարող են ներկայացնել իրենց ամփոփ ինքնակենսագրականը (CV), առկայության դեպքում` հեղինակային նյութերի հղումները, որոնք կարող եք ուղարկել [email protected] հասցեին՝ նամակի վերնագիրը նշելով՝ «Լրագրողական պրակտիկա»:
Հայտերը կընդունվել մինչև հուլիսի 27-ը, ժամը 18.00-ն։
Iravaban.net լրատվական կայքը հիմնադրվել է 2012 թվականից և գործարկվում է Իրավաբանների հայկական ասոցիացիայի կողմից:
Այն մասնագիտական անկախ կայք է, որը ստեղծվել է նպաստելու հասարակության իրավական իրազեկության բարձրացմանը, իրավական մշակույթի ձևավորմանը, օժանդակելու իրավաբանների մասնագիտական կարողությունների զարգացմանը, ծառայելու որպես հարթակ՝ իրավական ոլորտում գիտական աշխատանքների հրապարակման համար և լուսաբանելու Հայաստանում և աշխարհում տեղի ունեցող իրավական տարբեր իրադարձություններ:
