Թուրքիայի նախագահ Ռեջեփ Թայիփ Էրդողանը չորեքշաբթի հայտարարել է Սիրիայի հյուսիսում նոր հակաահաբեկչական գործողության մասին, հայտնում է Anadolu-ն։
«Սիրիայում` Թուրքիայի հետ սահմանից 30 կմ դեպի խորությամբ, «անվտանգության գոտու» ձևավորման նոր փուլ է սկսվում։ Մենք մաքրում ենք Թալ Ռիֆաթն ու Մանբիջն ահաբեկիչներից»,- ասել է Թուրքիայի ղեկավարը։
Նրա խոսքով՝ այդ ժամանակ Թուրքիայի հետ սահմանակից մյուս շրջանները կմաքրվեն զինյալներից։
«Տեսնենք, թե ինչպիսին կլինի արձագանքը անվտանգության ոլորտում Թուրքիայի օրինական քայլերին։ Ո՞վ կաջակցի Անկարային»,- ասել է նա։
