Անհայտ մարդիկ Նյու Յորքի Սուրբ Օգոստոնիս եկեղեցուց գողացել են երկու միլիոն դոլար արժողությամբ ոսկյա մասունք:
Այս մասին հայտնում են Նյու Յորքի ոստիկանությունից, փոխանցում է «ՌԻԱ Նովոստին»:
Քաղաքի ոստիկանությունը դիմել է հասարակությանը՝ խնդրելով աջակցել գողության մասին տեղեկություններ գտնելու հարցում:
«Ոստիկանությունը հաղորդում է ստացել այն մասին, որ մայիսի 26-ին մոտավորապես ժամը 18:30-ից մինչև մայիսի 28-ը ժամը 16:00-ի սահմաններում Հռոմի կաթոլիկ Սուրբ Օգոստինոս եկեղեցու զոհասեղանը բացել են: Գողացել են մաքուր 18 կարատ ոսկուց մասունք՝ թանկարժեք քարերով»,-ընդգծել են ոստիկանությունում:
Գողերը վնասել են եկեղեցու հրեշտակի քանդակը: Շեշտվում է, որ այն գլխատվել է:
