Հռոմի Ֆրանցիսկոս պապն ասել է, որ Հունգարիայի վարչապետ Վիկտոր Օրբանն իրեն տեղեկացրել է Ուկրաինայում հատուկ գործողությունը մինչև 2022 թվականի մայիսի 9-ն ավարտելու Ռուսաստանի ծրագրերի մասին։ Ըստ պոնտիֆիկոսի՝ դա տեղի է ունեցել քաղաքական գործչի հետ նրա հանդիպման ժամանակ։
«Հուսով եմ, որ այդպես է, այնպես որ մենք կհասկանանք էսկալացիայի արագությունն այս օրերին», – ասել է նա Corriere della Sera թերթի գլխավոր խմբագրին տված հարցազրույցում:
Հիշեցնենք, որ ՌԴ ԱԳՆ ղեկավար Սերգեյ Լավրովը, անդրադառնալով Ուկրաինայում հատուկ գործողության ավարտի հնարավոր վերջնաժամկետին, հայտարարել է, որ այն կավարտվի, երբ իրականացվեն բոլոր դրված նպատակները։
«Ռուս զինվորականները արհեստականորեն իրենց գործողությունները չեն հարմարեցնի ինչ-որ ժամանակի»,- ասել է Լավրովը՝ պատասխանելով ռազմական գործողությունները մինչև մայիսի 9-ը ավարտելու մասին հարցին։
