Ռուսաստանի Դաշնության ազգային գվարդիան հաջողությամբ հատել է գետը Խարկովի մոտ գտնվող Իզյում քաղաքի ծայրամասում և գերեվարել ուկրաինացի ազգայնականների մի քանի առաջնորդների: Այս մասին ասվում է գերատեսչության տարածած մամուլի հաղորդագրության մեջ, փոխանցում է «ՌԻԱ Նովոստին»:
«Մարտի ընթացքում ռուսական զինված ուժերը կարողացան անցնել կամուրջը, ինչպես նաև գերեվարել ազգայնական կազմավորումների մի քանի ղեկավարների, SBU-ի հանցակիցների և կարևոր փաստաթղթեր: Ռուս գվարդիայի հատուկ նշանակության ջոկատների գրագետ գործողությունների շնորհիվ նրանց հաջողվեց հետ շպրտել հարձակվող հակառակորդին և կատարել ամենադժվար առաջադրանքը՝ միևնույն ժամանակ փրկելով զինվորների և սպաների կյանքը»,- ասված է գերատեսչության տարածած հաղորդագրության մեջ։
Գործողությանը մասնակցել են հատուկ նշանակության ջոկատի անդամները և ռուսական գվարդիայի զինվորները։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
