Զապորոժյեի ԱԷԿ-ում ռադիացիոն ֆոնը նորմալ է և վերահսկվում է ՌԴ պաշտպանության նախարարության մասնագետների կողմից: Այս մասին լրագրողների հետ զրույցում հայտնել է ՌԴ ԶՈւ փոխգնդապետը, փոխանցում է «ՌԻԱ Նովոստին»:
«Ներկայումս գտնվում եմ Զապորոժյեի ատոմակայանի տարածքում: Այս պահին ԱԷԿ-ում ռադիացիոն ֆոնը նորմալ է՝ տատանվում է ժամում 0,08-ից մինչև 0,12 միկրոսիվերտ ժամում: ԱԷԿ-ի աշխատանքային անձնակազմին որևէ վտանգ չի սպառնում, իսկ կայանը նորմալ աշխատում է»,- ասել է նա։
ՌԴ ՊՆ ներկայացուցիչը հավելել է, որ կայանում միջադեպեր, այդ թվում՝ ռադիացիոն, չեն եղել:
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս այլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
