2021 թվականի Ազգային ժողովի արտահերթ ընտրություններին մասնակցող 26 քաղաքական ուժերի պատգամավորների թեկնածուները Կենտրոնական ընտրական հանձնաժողովին են ներկայացրել իրենց գույքի և եկամուտների հայտարարագրերը:
Իրավաբան.net-ը հրապարակում է կուսակցությունները գլխավորող առաջին համարների, հասարակական մեծ հետաքրքրություն ունեցող գույքի ու եկամուտների հայտարարագրերը։
Ընտրություններին 9-րդ համարի տակ հանդես եկող «Լուսավոր Հայաստան» կուսակցությունը գլխավորում է Ազգային ժողովի պատգամավոր, «Լուսավոր Հայաստան» խմբակցության ղեկավար Էդմոն Մարուքյանը։
Էդմոն Մարուքյանը հայտարարագրել է
- 1 բնակարան (սեփականություն)՝ Վանաձորում – 51․54 քմ,
- Toyota Camry 2․5 մակնիշի ավտոմեքենա (2013)։
Նրա եկամուտները մայիսի 1-ի դրությամբ կազմել են՝
- 7․205․400 դրամ՝ ստացված ԱԺ պատգամավորի աշխատավարձից,
- 311 հազար դրամ՝ ստացված հիփոթեքային վարկի տոկոսագումարների վերադարձից՝ վճարված եկամտային հարկից։
Էդմոն Մարուքյանի դրամական միջոցները կազմել են՝
- 4 միլիոն 124 հազար դրամ,
- 1380 դոլար,
- 1075 եվրո։
Ալիսա Չիլինգարյան
