Քիչ առաջ մամուլում տեղեկություն է տարածվել, որ Բաքվից գերիների խումբ է վերադառնում Հայաստան։ Այս պահին ծնողներ ու որոշ քաղաքացիներ են հավաքվել Էրեբունի օդանավակայանի մոտ։

Ինքնաթիռը ժամանեց, բայց՝ դատարկ։

Նշենք, որ ՀՀ վարչապետի մամուլի խոսնակը  չի պատասխանում հեռախոսազանգերին։

ՀՀ պաշտպանության նախարարությունից Իրավաբան․net-ին հայտնեցին, որ այդ մասին տեղյակ չեն և ասացին, որ ճշտենք փոխվարչապետի գրասենյակից։

ՀՀ փոխվարչապետ Տիգրան Ավինյանի մամուլի խոսնակ Նժդեհ Հովսեփյանը մեր զանգերը թողեց անպատասխան։

Կապ հաստատեցինք ՀՀ փոխվարչապետ Տիգրան Ավինյանի հետ, ով ասաց, որ սխալ մարդու ենք զանգել, և ինքը այս մասին որևէ մեկնաբանություն չունի տալու։